Ancontro de bloguers
Este
ye l V ancontro de bloguers de l Praino
l que ben amostrar que la familhia de la blogosfera i de la lhéngua mirandesas
cuntínan cun salude i para durar por muitos mais anhos.
Este
anho ye an Sendin i alredores, ne l die 18 de Agosto, cun bejita a la bila i a
todos ls sitios mais stóricos, al centro de musica tradicional, al centro de la
AEPGA. Haberá almuorço tradicional, cun bitela mirandesa assada i cordeiro de
raça churra mirandesa assado na brasa, bino de l Praino, fruita, compotas i
doces de l Praino.
La
cultura i lhéngua tenerán ua tarde chena i a la merenda algo se há-de arranjar
para buber la Sarti (cerbeija artesanal).
L
porgrama será puosto eiqui apuis de todo ourganizado.
Yá
bos podeis ir anscrebindo, porque nun precisais de nada mais que aparecer a la
10h ne l adro de la eigreija de Sendin i lhebar buona çposiçon i 15 euros cada
un.
Ls outros anhos solo saliu perdidoso quien nun
fui.
I Ancontro: 22
de Agosto de 2008 ne l Naso
II Ancontro: 22
de Agosto 2009 na Trindade
IV Ancontro: 20
de Agosto 2011 an Caçareilhos i Angueira
Ah carai, purmeira anscriçon: you!
ResponderEliminararganeiro ...
EliminarAnda nó!... deixaba-la para ti! abraço
EliminarDeiqui, haberá que cuntar cun trés:
ResponderEliminarun por Abelhon , outro por Alcides Meirinhos i outro por Boieiro.
Abraço
I cumo nun hai dous sien trés, ende mando la anscriçon de la blogueira Speciosana,an terceiro, nun baia a perder la tora de canhono.
ResponderEliminarUn chi
Hmmm catanu! Ya biên tiêmpu que nun veyu las rapazas de Llion. La de la squiêrda, Caminu, fazie ua téze suôbre lus dançadores de Miranda y lus de Llion. Nun tengu soubidu mas d'eilla a nun ser un die quandu passei pur Llion.
ResponderEliminarYê l'armana de Xosepe Veiga, grande screbidor storganu que screbiu "Breve Hestoria d'un Gambusinu". Gustarie de lus turnar a ver n'aquesse die !