segunda-feira, 13 de agosto de 2012

V ANCONTRO DE BLOGUERS (dia 18-08-2012)


LISTA DOS PARTICIPANTES JÁ CONFIRMADOS (32)

Adelaide Monteiro (2) *

Adriana Ferreira *

Alcides Meirinhos (3) *

Alcina Pires (2) *

Alfredo Cameirão *

Amadeu Ferreira *

António Cangueiro (2) *

Antonho Passareiro *

Arnaldo Firmino *

Artur Nunes *

Domingos Raposo *

Francisco Belharino (2) *

Henrique Gaiteiro *

Hermínio Bernardo *

José Almendra (2) *

Juan Carlos Gonzalez *

Luís Martins *

Manuel Ferreira (2) *

Mário Correia *

Miguel de Anta *

Teresa Almeida *

Tiégui (3) *

NOTA:
Os números à frente do nome têm a ver com o número dado por quem fez a inscrição, pelo que se omitiram os nomes.

Quem tiver problemas ou queira fazer mais inscrições pode fazê-lo até ao final do dia 16.

terça-feira, 31 de julho de 2012

PROGRAMA DE L V ANCONTRO


V ANCONTRO DE BLOGUERS DE L PRAINO I DE LHÉNGUA MIRANDESA

18 de Agosto de 2012

LOCAL:

Pertual – Praino - Sendin i Atanor

PROGRAMA

Ajuntouro:

Antre las 9 i las 10h ne l´adro de la Eigreija de Sendin que se ancuntrará abierta para las pessonas podéren bejitar. L’eimage de Santo Cristo, será de l sieclo XIII.

Ne l’adro haberá ua mesa cun doces, figos i ua garrafica de augardiente i outra de licor, ls que quejíren un café ó un copo de lheite ténen que ir als cafés alhi acerquita.

10h – Cunseilho:

- L presidente de la Junta dará las bien benidas

- Tiu Almendra falará de l cunseilho

- Antonho Cangueiro apresentará l programa para todos sabéren cumo bai a ser la ronda por Sendin i dará ls cunseilhos para que todo cuorra bien!

10h30m – Ronda pulas rues:

- De l’adro la ronda seguirá até a la rue de l Canzielho i a la antrada de la rue podereis ber ua de las casas mais típicas adonde se fázen las tradicionales capas de honra i la Grabiela, la casa adonde se ampeçou a cozinhar la “puosta mirandesa” cumo se fai hoije ne ls restourantes.


- La ronda seguirá pula rue de l Canzielho, cun paraige na casa adonde naciu Francisco Guerra de que fala Leite de Vasconcelos – Amadeu Ferreira mos irá a dar amboras amportantes i ls duonhos de la casa, tenerán un licorico para mos adoçar la boca.


- Dalhi bamos al Lhargo de l Canzielho, sítio de ls tradicionales bailes i onde houbo la purmeira scuola de Sendin.


- La ronda cuntinará até la Fuonte de l Lhugar i al Lhargo de la Parreira. Mário Correia falará de ls bailes i de la música.


- Subiremos la rue de l Barrialto, adonde habie la piedra redonda de que fala la cantiga de l “Tirioni” - Na rue de l Barrialto – Hai ua piedra redonda – Onde se séntan ls moços – Quando fázen la ronda.


- La caleija de la Tenerie será puonto de passaige até la rue de la Fráuga. Amadeu Ferreira algo tenerá a dezir de “la Bouba de la Tenerie” i pararemos nas casas de turismo rural – La Tenerie i l Curral de tiu Pino adonde iremos a ber se mos dán un aperitibo.

- 11h30m – 12h - Pequeinha paraige para bejitar l artesanato alhi bien acerquita.

- 12h - Cuntina la ronda:

- Até a la capielha de Santo Cristo i dalhi al Sagrado para agarrar ls carros. Na capielha poderies apreciar ua tela, que ye ua de las pinturas mais baliosas de las capielhas i eigreijas de l Nordeste, l Senhor de la Buona Muorte, un fresco i ua ara botiba de que alguien bos falará.

- 12h30m - Romarie al semitério de Sendin

- Ida a poner un ramo de froles na campa de l Pe.Mourinho.

- 13h30m – Almuorço:

- An Atenor, na Associaçon – Bitela i cordeiro assado, bino, fruita i café.

- 15h30m – Tarde cultural:

- Ua palabrica pals porsores de lhéngua mirandesa.

– Apresentaçon de l libro subre un trabalho de la stória i arqueologie de Atanor, de l drº. Hermínio Bernardo. 

- Palhestra por Juan Carlos González, porsor de l Anstituto (licéu) de Toro (Zamora), subre l Sanabrés, que ye lhionés, i las ambestigaçones que ende fizo l porsor Krüger ne l ampeço de l sieclo" XX.


- La palabra als blogueiros.

NOTA:

- La cerbeija artesanal SARTI stará alhi i na Associaçon tenereis bebidas fresquitas. Apuis cada un puode ir adonde l dir la gana.

Tamien haberá amprebistos, mas ls mardomos farán de cuonta que nun sabén de nada!


Se achais pouco quedai an casa, mas para ir teneis que lhebar 15 euros pul menos!

Anscriçones:

António Cangueiro – telm – 967556914

José Almendra – telm – 965429750


Junto de qualquiera amigo de la lhéngua que faga chegar la anformaçon als mardomos até dous dies antes de l’ancontro.
















sexta-feira, 8 de junho de 2012

TORTULHAS - ANCONTRO DE BLOGUERS

L'OUTR'ANHO FUI ASSI



Tortulhas bien merece ser lhembrado eiqui.

Fui l purmeiro a anscrebir-se est'anho.

Yá sabeis, se quereis quedar na stória ye ir als ancontros.

quinta-feira, 7 de junho de 2012

V ANCONTRO DE BLOGUERS



Ancontro de bloguers

Este ye l V ancontro de bloguers de l Praino l que ben amostrar que la familhia de la blogosfera i de la lhéngua mirandesas cuntínan cun salude i para durar por muitos mais anhos.

Este anho ye an Sendin i alredores, ne l die 18 de Agosto, cun bejita a la bila i a todos ls sitios mais stóricos, al centro de musica tradicional, al centro de la AEPGA. Haberá almuorço tradicional, cun bitela mirandesa assada i cordeiro de raça churra mirandesa assado na brasa, bino de l Praino, fruita, compotas i doces de l Praino.

La cultura i lhéngua tenerán ua tarde chena i a la merenda algo se há-de arranjar para buber la Sarti (cerbeija artesanal).

L porgrama será puosto eiqui apuis de todo ourganizado.

Yá bos podeis ir anscrebindo, porque nun precisais de nada mais que aparecer a la 10h ne l adro de la eigreija de Sendin i lhebar buona çposiçon i 15 euros cada un.

Ls  outros anhos solo saliu perdidoso quien nun fui.


I Ancontro: 22 de Agosto de 2008 ne l Naso

II Ancontro: 22 de Agosto 2009 na Trindade
III Ancontro: 21 de Agosto an S. Pedro de la Silba
IV Ancontro: 20 de Agosto 2011 an Caçareilhos i Angueira